englishverse.com
HomePoetsPoemsBooks
 

Robert Burns

Highland Mary

YE banks and braes and streams around
    The castle o' Montgomery,
Green be your woods, and fair your flowers,
    Your waters never drumlie!
There simmer first unfauld her robes,
    And there the langest tarry;
For there I took the last fareweel
    O' my sweet Highland Mary.

How sweetly bloom'd the gay green birk,
    How rich the hawthorn's blossom,
As underneath their fragrant shade
    I clasp'd her to my bosom!
The golden hours on angel wings
    Flew o'er me and my dearie;
For dear to me as light and life
    Was my sweet Highland Mary.

Wi' monie a vow and lock'd embrace
    Our parting was fu' tender;
And, pledging aft to meet again,
    We tore oursels asunder;
But oh! fell Death's untimely frost,
    That nipt my flower sae early!
Now green 's the sod, and cauld 's the clay,
    That wraps my Highland Mary!

O pale, pale now, those rosy lips
    I aft hae kiss'd sae fondly!
And closed for aye the sparkling glance
    That dwelt on me sae kindly!

And mouldering now in silent dust
    That heart that lo'ed me dearly!
But still within my bosom's core
    Shall live my Highland Mary.

 
Sponsored link
To advertise here, please contact us.
 
About the poet
Robert Burns
 
By the same poet
To a Mouse
Lament for Culloden
Auld Lang Syne
Mary Morison
Jean
My Bonnie Mary
John Anderson, my Jo
The Banks o' Doon
Ae Fond Kiss
Bonnie Lesley
O were my Love yon Lilac fair
A Red, Red Rose
The Farewell
Hark! the Mavis
 
Related books
Robert Burns at amazon.com


Home  .  Poets  .  Poems  .  Books  .  Site preferences  .  Contact

English  .  Français

© 2003-2006 Waverley Internet Design. All rights reserved.